甘い媽媽日 糖森林

5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

今次分享嘅糖森林，係一間充滿溫情嘅甜品店。兩間店都位於元朗，由一家人經營。爸爸負責美食，媽媽負責樓面，囡囡負責市場及營運，一入鋪頭就Feel到佢地傳遞出黎嘅溫馨。

紅棗杞子桂圓燉桃膠，一聽就知係女人恩物，係媽媽嘅朋友。有時食下啲中式糖水反而比大熱冰品更適合媽咪，令媽咪感受到你對佢嘅貼心。

其實好地地方都有賣心太軟，但呢度嘅心太軟除咗好食之外，仲可以請店家幫忙寫上想對媽媽講嘅說話，小心心思就可以令成件事開心百倍，母親節就用佢黎氹媽咪啦！

抹茶一向都有唔少女性粉絲，呢個日本綠茶蕨餅芭菲就岩晒喜歡抹茶嘅媽媽，家採用日本直送嘅蕨餅，口感更地道。

愛美係女人嘅天性，媽媽為我地奉獻自己嘅青春真係好偉大，以呢個椰皇燉雪蛤膏回報媽媽啦！佢唔會太甜，而且據《中藥大辭典》記載「雪蛤補腎益精、潤肺養陰，治病後虛弱，肺癆」，又含有大量的蛋白質、氨基酸、各種微量元素和少量有益人體的激素，加上椰子成件事超健康美顏。

櫻之雪山真伙有櫻花架！係士多啤梨綿綿冰上面撒上帶少少咸味嘅乾櫻花粉，淡淡嘅咸反而令甜味更突出，春夏必點！

即撞木桶豆腐花都係其中一樣暢銷嘅產品，客人落單之後先用木桶即撞，等一個沙漏嘅時間就可以食啦！豆腐花黃豆好香，即撞呢一點好有睇頭，帶埋愛下廚嘅媽媽去試下啦！

糖森林不定時會推出唔同嘅應節或應季系列，好似今次初夏就全新推出新口味綿綿冰富士山下 (蝶豆花椰汁綿綿冰)，睇上去真係好吸引啊！

地址：新界元朗大陂頭徑福星樓地下5號舖

電話：34991678

地址：新界元朗鳳翔路69號建輝大廈地下9號鋪

電話：3565 4386