深水埗有唔少好嘢食,係大家去家庭聚餐嘅去處,今日想同大家介紹呢間糖水佬,比大家係旺角或者深水埗食完飯之後,以傳統口味嘅糖水為母親節追加一個飯後糖水。
馬來星洲喳咋係糖水佬嘅招牌,真係超足料!不過對小編黎講就甜咗少少,但已經令平時唔食豆嘅小編食得好開心,如果你有甜牙齒媽媽就叫呢碗啦!
芝麻糊一向係小編嘅愛,呢度嘅芝麻糊唔會太甜,雖然芝麻味唔係最勁嗰一類,但佢真係好滑!而且滑得黎又夠厚身,食得好滿足啊!
合桃露對有啲年紀嘅人士簡直係恩物,合桃有補腦降血壓膽固醇嘅功效,唔止媽媽,所有長輩都好啱食呢!
呢個薑汁蛋白燉鮮奶好滑溜,奶味同薑宦都好夠,係水準之作,初夏開始開冷氣可以食佢去驅寒、驅風,而且對血液循環系統都好有益處。
想再食好啲,不妨叫一個原隻椰皇燉雪蛤,佢唔會腥,都唔會太甜,係滋潤又養生之選。
地址:桂林街143號地下G號舖
電話:2708 4484
沒有留言:
張貼留言