5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤
今日想同大家介紹呢間土瓜灣嘅HeySoNuts，小編成日都聽朋友講話呢度好有Feel好人食，咖啡又好飲，趁住今次特輯終於都有得去試吓啦！小編去到終於知道點解大家都咁鐘意呢間小鋪，真心推薦比大家:)
忌廉紫椰菜豬腩貓耳朵意粉據講係新推出嘅菜單，醃製好嘅紫椰菜遇上忌廉，意粉帶紫嘅貓耳朵好夢幻啊！紫椰菜超有營養，含有豐富吲哚類化合物，據講可以抗癌防癌。仲含有鉻，可調節血糖、血脂，糖尿病和肥胖患者均可食用，同媽媽食梗係揀健康啲，母親節都開心啲！
喇沙海鮮汁扁意粉帶住些微椰子香氣，唔會好油膩，但又有喇沙嘅香氣。蜆肉熟度控制得好好，帶少少迷迭香味，令人驚喜！
HeySoNuts嘅窩夫好出名，全因為佢地有獨特嘅制作技巧，窩夫外脆內軟，夾埋自家制吉士同士多啤梨汁簡直係美味至極！
Earl Grey Cream Souffle Pancake
呢個Souffle Pancake令人好驚喜！點解可以咁好食架？蛋香、空氣感、Earl Grey 嘅香氣搭配得剛好，唔會太過甜，亦都唔會漏，食落口有種高級又優雅嘅感覺。如果你有一個溫柔嘅媽媽，不妨帶佢黎試一試，相信佢一定會一試愛上。
Tiramisu Souffle Pancake
Tiramisu cream 鋪滿成個Pancake，清新不膩；上面薄薄一層朱古力粉令人上癮，食用嘅時候將咖啡漿倒於碟上，等Souffle Pancake吸收後再食，比真嘅Tiramisu更口味呢！
地址： 土瓜灣北帝街147號地下3號舖
電話： 2687 1428
沒有留言:
張貼留言