香港人生活係咁沉重嘅忙碌工作壓力下，真係要爭取時間去休息一下，吊頸都要抖下氣，但好多時只得一日嘅假期可以去得邊。不如就近近地，黎一場說走就走嘅北上行程，短暫遠離塵囂，享受輕鬆愜意嘅假日時光。
今日想同大家介紹茶溪谷，茶溪谷係東部華僑城其中之一嘅主題景區，區內充滿大自然景色，綠意盎然，鳥語花香，带你進入另一個世界。
今日想同大家介紹茶溪谷，茶溪谷係東部華僑城其中之一嘅主題景區，區內充滿大自然景色，綠意盎然，鳥語花香，带你進入另一個世界。
 |
| 茶溪谷大門口 |
Photo via wty_kw
Photo via _tony_tony_chopper_
一行入去， 放眼遠睇已經見到呢一大片花海， 小編忍唔住要衝過去， 感受萬花寵愛在一身。咁大片花海，你點會忍得住唔係度影返輯寫真集啊？
Photo via baidu
茵特拉根小鎮嘅建築充滿了異域風情，色彩繽紛嘅小屋具有濃厚嘅歐洲風情，有一秒鐘小編仲以為自己身處於外國。唔使特別構圖, 隨手一影, 一張張充滿藝術氣息嘅照片就咁誕生。
Photo via wechat
幸運嘅仲可以見到由藝術家打份而成嘅銅像/銀像，靜靜地等待遊客過去影相欣賞，當你專注沈迷係影相嘅世界時，佢會調皮咁搭你膊頭來個大合照，嚇你一跳。
茶翁古鎮係一個古香古色，充滿東方氣息嘅小鎮，優雅嘅環境下配上陣陣嘅茶香，真係要好好細味品嚐，享受如此良茶美景。
茶溪谷內有好多條橋，其中呢條咁壯觀嘅吊橋長不見頭，雖然唔會摇摇晃晃，但見到橋下深不見底嘅樹林， 真係心驚膽顫，少啲膽量都唔得啊。
呢度兩旁佇立咗青翠而茂密高大嘅竹林，形成一條竹路，一路向前行，一路感受清靜幽雅嘅環境，偶然微風吹過，竹葉發出沙沙聲響，為寧靜路上增添樂趣。
唔知仲以為去咗童話故事入面嘅世界，靚到想大叫一聲，白馬王子，我黎啦！
最後臨走前，一定要去搭呢架森林小火車，全程需時約50分鐘，小火車由茵特拉根小鎮出發，一路圍繞住樂園行駛，帶你回味返今日行過樂園嘅足跡之餘，又可以盡情地欣賞成個樂園嘅美景，為呢日畫上完美嘅句號。如果想搭呢架小火車記住留意觀光小冊子上嘅時間表啊！
地址：深圳市鹽田區大梅沙東部華僑城茶溪谷
開放時間：星期一至五 9:00～17:30（假日會提早半小時開門）
參考路線：地鐵3號線老街站（或翠竹站B2出口） → 巴士E12（梅沙醫院站落車）→東部華僑城總站搭專線巴士909前往茶溪谷
開放時間：星期一至五 9:00～17:30（假日會提早半小時開門）
參考路線：地鐵3號線老街站（或翠竹站B2出口） → 巴士E12（梅沙醫院站落車）→東部華僑城總站搭專線巴士909前往茶溪谷
沒有留言:
張貼留言