長洲櫻花開咗啦！颱風過後依然堅強盛放

自從恩恩知道長洲關公忠義亭園種咗櫻花，仲話2018年會係開得最靚嘅消息，我就開始Follow長洲櫻花嘅Facebook，不過係舊年嘅夏天，颱風天鴿打斷咗成2/3嘅櫻花樹，得返1/3苟然殘存，終於到咗2018年，小編發現長洲棚花Facebook Update話已經開咗5-7成，雖然佢無以前咁大棵咁強壯，但都好令人感動啊！於是恩恩又拉咗攝哥哥去長洲睇櫻花，你地又想唔想為長洲存活嘅小櫻花打打氣呢？

櫻花樹位於長洲關公忠義亭園入面，4點就會關閘，想去睇櫻花樹嘅朋友最好早少少到長洲啦！大家一落船可以沿大街直入，去到警署徑轉入去浴路行就會見到上關公忠義亭園嘅指示牌，跟指示行上去好快就到啦！

雖然佢只係得返1/3，但都開咗好多花，唔少愛花之人過咗黎影相。除咗櫻花，向遠處眺望仲附近有民居種咗宮粉羊蹄甲，一大片粉紅色都好靚架！

希望過多幾年小櫻花可以健健康康咁生返做大大棵櫻花樹啦！你又會唔會過黎睇佢呢？