點解我地會行咗咁耐,因為蓮花山公園真係超級大!蓮花山公園係深圳市政府係蓮花山及其周邊綠地上建立嘅一座城市公園,占地185多公頃。185公頃!?係咩數字,比大家參巧返香港迪士尼樂園係72公頃,即係人地個公園大約等於2.5694444個迪士尼⋯⋯咁大個公園有咩玩?等我逐樣同你講下啦!
蓮花山公園係深圳八景之一,位於福田區,主峰海拔106米。公園主峰有個山頂廣場,呢度有好大座鄧小平銅像,見到佢就知到咗主峰啦!
其山腳下有風箏廣場,呢度係任何時候都好多人係度放風箏,明明唔覺好大風都飛得起,係公園入口附近都唔少小販叫賣風箏、飛機等玩具,唔洗自己帶黎都有得玩,玩完直接送比入面啲小朋友,唔洗拎返屋企。
公園入面仲有個關山月美術館,主要收藏與陳列關山月先生及其同時代的美術作品,兼顧各種國內外現當代藝術。呢度成8000 平方米,夏天曬完入黎一邊睇展品一邊避暑就岩岩好,仲可以陶冶性,望住啲藝術品放空一下。
另外,呢度亦都有蓮花池同人共湖,前者可以係度垂釣、亦有人係度餵魚; 後者可以踩下水上單車,雖然人工湖唔算大,但考慮到踩完上岸仲有排行其實湖細都有湖細嘅好處。
如果你想遠足,其實可以沿公園山徑行一個圈,呢度有好多唔同嘅植物,尤其是新年後各種唔同嘅花相繼盛放,呢度行幾步就係唔同嘅花海,四季都睇到唔同嘅景象,不一樣的色彩,好靚架!
蓮花山日頭睇上去係彩色嘅大花園,夜景都好靚架!有興趨可以過黎玩返大半日,放鬆一下。
沒有留言:
張貼留言