唔知你幾耐無同媽媽出去玩過呢?你又有冇同屋企人飲過野咁呢?Stroke係一間集合Crazy Golf、Cafe、Party Room同Bar於一體嘅地方,今個母親節,一於同你愛玩嘅媽咪盡情玩餐飽!
Crazy golf係由外國傳入嘅文化,同mini golf唔同,crazy golf 嘅設計更加複雜,針對大人可以一邊玩一邊飲嘢,越玩越瘋狂,越飲越開心。
玩完就可以入裡面嘅餐廳休息一下,食下嘢,呢度嘅選擇眾多,不論係食肉獸定係素食者都會搵到啱心水嘅餐點。
呢度仲有紅絲絨吉拿棒(Red Velvet Churros)食,最特別係佢咬開其實係粉紅色㗎!點上cream cheese食真係一流!做完運動補充一下糖分!
係吧檯上面放咗一系列嘅teapigs茶,teapigs係茶國健康茶品牌,唔好睇佢係茶包,其實茶包入面係一塊塊完整嘅茶葉,唔係碎屑狀架!當有人嗌嘅時候就會剪開茶包為大家沖泡。
最特別嘅係,呢度仲有自家以茶黎研發嘅雞尾酒。就好似呢杯You are my cup of tea,就一定要點比媽咪,就咁聽個名已經甜入心!伯爵茶中和咗威士忌嘅酒味,上面有粉紅色嘅大黃泡沫,就算平時無飲開酒都好易入口。
地址:銅鑼灣Fashion Walk 京士頓街9號1樓G2-3號舖
營業時間:星期一至四 11:30am – 1am;星期五 11:30am – 3am;星期六 10:30am – 3am;星期日 10:30am – 11pm
沒有留言:
張貼留言