郊遊習作 石龍拱元荃古道半日遊

今日想同大家行半段元荃古道，由荃灣港安醫院經石龍拱行去深井。石龍拱有座涼亭，可以飽覽成個荃灣、葵涌、青衣北部、青馬大橋、大嶼山東北部、甚至係九龍、香港國際機場以及香港島嘅景色。

首先由荃灣港安醫院出發，沿住元荃古道嘅路牌前進，一開始就係咁上樓梯上山。中途都有休息嘅涼亭，休息完再繼續上！

一路沿路上到頂，就會到達石龍拱，係度可以一次過睇曬港九新界嘅風景，果然上山幾百米係有回報㗎！

之後向田夫仔方向行，微微咁落山，田夫仔營地都會有小型廁所，但無水供應，去定唔去就自己決定啦。

最後向青龍頭方向行，好快就會出到去深井，落山都落得幾急，大家要小心安全，到達深井可以搭巴士返地鐵站，結束半段遊嘅行程。

難易度：★★★ 

開始嘅時候有唔少樓梯同斜坡要上，只要有體力跨過佢之後都相對舒服。

打卡度：★★★

石龍拱嘅山頂好靚，呢條路線冇行走係森林間嘅感覺。

設施完善度：★★★

幾乎都係鋪靚靚嘅石屎路，前半段只有入山路前有士多同廁所，行之前要去定啦！

呢條路線其實康文署都有整理過點樣行，大家可以上http://www.lcsd.gov.hk/tc/healthy/hiking/map/map_a6.html睇下康文署嘅地圖，跟住啲影相位黎行會有動力啲㗎！今次嘅郊遊習作係甘多，我地下次見！