鍋爐，一個好唔熟悉嘅詞語。但又令人覺得係一個溫熱嘅詞語。鍋爐咖啡，亦都好神奇咁令人諗起一杯冒緊煙、飄住香嘅齋啡。今日恩恩想同大家介紹嘅就係呢一間可以比你超Hea過一個下午嘅Cafe——鍋爐咖啡。
鍋爐咖啡前身係一個廢棄嘅鍋爐廠，如今搖身一變以Loft工業風設計空間，成為一間性冷淡風嘅Cafe。
呢度保留咗唔少工廠嘅元素，牆面上還存留着舊日嘅痕跡。一入門口就見到一個個綠色嘅大鐵桶，原來呢啲就係鍋爐，今時今日呢啲一個個嘅鍋爐就變成展示物品嘅地方。
呢度樓底有成12米，超高嘅樓底加上幾乎無間隔嘅空間，令人非常放鬆，係度睇一個下晝嘅書，或者拎部電腦黎做野，都覺得特別放鬆，特別無拘無束。
樓上仲有座位，沿窗位置仲有唔少植物擺設，但同工業風嘅環境一啲違和感都無，呢度嘅設計師真係好用心呢！係樓上望返落大堂，唔知係咪因為呢度實在太空曠，搞到我都有少少畏高發作呢！
呢度嘅野食都好多選擇，有健康嘅藜麥沙律；亦都有Junk Food榜常客香腸拼盤；亦都有Instagramable 量杯飲品；當然唔少得文青最愛嘅咖啡。不論抱住點樣嘅生活態度，呢度似乎都有屬於你嘅空間。
鍋爐咖啡
地址：湖里區華昌路132號華美空間B2棟
營業時間：09:30-22:00
電話：15860782712
沒有留言:
張貼留言