台北君悅酒店饌豚 超出名排骨飯

饌豚係由台北君悅酒店開設嘅餐廳，佢嘅排骨飯超出名，連劉德華、Angelababy同成龍都去捧過場，更由台北紅到去深圳，係萬象天地開始深圳分店，開到咁近，就梗係要試下啦！

真係不得不佩服呢個排骨飯嘅魔力，小編足足排咗個半鐘先入到席啊！ 黎呢度一定就係點佢最出名嘅排骨啦！排骨飯即係炸豬扒飯，呢度嘅排骨表面炸得非常酥脆，但內裏仍然非常鮮嫩，表面在沙發上薄薄嘅胡椒粉，不和小編排咗咁耐隊啊！

除咗排骨，佢嘅雞肶都非常之好食！佢嘅雞肶都炸得酥脆，肉質比較乾，但乾得黎又好好食。

呢度嘅飯都有豐富配菜，有椰菜、酸菜、肉躁、冬粉，酸菜超好食！爽口酸甜嘅口感令小編都忍唔住嗌多一碟啊！
大家都不妨係度嗌多個菜，呢度嘅菜唔會好油，而且淋面嘅係肉躁唔係蠔油，好有台灣特色。 飲品方面小編就覺得都係地面嘅奈雪之茶同喜茶好飲啲，不過如果你偏好台灣味，佢嘅冬瓜茶都係唔錯嘅選擇，而酸梅湯就非常解膩，同佢嘅招版排骨飯好match啊！