Sweet Sweet復活節 深港拍拖好去處

有時拍拖拍得耐，行黎行去都係個幾個地方，都想比啲新意，黎緊幾日假，無論你係去個小旅行定留係香港，都不妨帶同另一半出去行下，小編今日就同大家整理咗之前介紹過嘅幾個拍拖好去處，得閒同Honey去浪漫下啦！今次就先講講香港同深圳有咩浪漫景點，Click圖片就可以睇到詳情:)

香港篇:

《愛話：羅伯特 ‧印第安納與亞洲》展覽

如果你怕醜，唔係成日都可以將「愛」講出口，就同你嘅另一半黎睇下啦，呢個展覽展出唔同語言嘅「愛」雕塑，盡在不言中啦！

為期2個月 首個國際級雕塑藝術節「藝遊維港」

好天嘅時候不妨同另一半去中環海濱行下，同你嘅白馬王子一齊去睇下白馬，睇完可以去搭摩天輪，又或者去搭船吹吓海風，夜晚仲可以睇埋夜景，休閒咁Sweet返一日！

銅鑼灣The Artist House

如果你嘅另一半係文青，就要帶佢黎呢間最近新開嘅The Artist House！食、玩、飲、買都可以係度做到，加上優雅嘅氣氛，一定會留底美好嘅回憶！

沙田新城市廣場公共用地

就算你無乜預算拍拖，都可以黎沙田新城市廣場嘅公共用地拍下拖，呢度有大草地，有花圃，如果你有高球棍嘅話仲可以黎呢度玩Mini Golf添！

將軍澳單車公園唔止櫻花仲有花海

放假有冇諗過同另一半去健康一下？將軍澳單車公園嘅花開咗啦，呢度仲有唔少花海，踩完單車黎賞花、係花樹下野餐，好浪漫啊！

浪漫日落位龍鼓灘、南朗山、泥涌

呢三個地方都可以睇到靚靚日落，重點係人比較少，你明嘅:)

內地篇:

超夢幻Bonbons Hello Kitty Cafe

佐敦間Hello Kitty中菜館執咗，咁就不如返深圳食Hello Kitty Cafe啦！呢度裝修同菜式都設計得好夢幻啊！

美藝甜馬卡龍

如果你把口唔係好叻，又想話比佢知你對佢有幾甘熱愛，不如就同佢黎食個Tea，牆上嘅字已經代表咗你嘅心意啦，哈哈！

深圳創意文化園

想同另一半做返一日文青出走？深圳創意文化園就係最好嘅地方，打卡、展覽、市集、美食、咖啡，仲有設計師店，唔係唔去啊？

TONY FLOWER

如果你怕另一半接受唔到全粉紅嘅裝潢，咁全黃嘅你又點睇呢？食完仲可以去歡樂海岸睇夜景添！

其實只要你有心，就算唔洗大錢都可以好浪漫，仲唔快D Share比你另一半約佢去玩！？