賞花情報 將軍澳單車公園櫻花滿開

上次同大家睇咗長洲嘅櫻花：長洲櫻花開咗啦！颱風過後依然堅強盛放，今日就同大家去睇下將軍澳嘅櫻花啦！



今次我地去到將軍澳單車公園，呢度有11棵櫻花，分別是9棵台灣品種山櫻花，同2棵日本山櫻。櫻花盛開，吸引咗唔少人前黎賞花，日本山櫻花期好短，要去就要把握時間啦！










睇完櫻花，都可以行過少少，有一排黃花風鈴木，雖然及唔上南昌公園咁密集，但路邊一排望過去都好靚架！




另外，大草地旁都有唔少宮粉羊蹄甲同白花羊蹄甲，開得非常燦爛！係樹下野餐真係好浪漫啊！






除咗花樹，呢度仲有鼠尾草、彩雀花同大理花海，呢度處處瀰漫住春天百花齊放嘅氣色，要賞花嘅你要把握時間，因為再暖啲櫻花同黃花風鈴木就會謝啦！