玩樂恩恩

2018年3月20日星期二

蘇格蘭單一麥芽威士忌感官品酒會係Taste of Hong Kong 舉行啦!

蘇格蘭單一麥芽威士忌 The Singleton of Glen Ord 宣佈推出開創全球先河的「感官品酒會 (Sensorium)」，並選擇在香港揭開序幕，於 3 月 22 至 25 日渣打呈獻嘅Taste of Hong Kong 2018 舉行期間，在中環海濱為全港威士忌迷帶來嶄新的品飲體驗，徹底散發 The Singleton 威士忌嘅魅力。

小編今次就率先帶大家體驗一下呢個甘特別嘅「感官品酒會 (Sensorium)」，呢場「感官品酒會」係一座特製嘅巨型橡木桶舉辦，每場提供十六個名額。一踏入木桶就會見到360° 環迴投射嘅絢麗影像。

跟住落黎嘅30分鐘入面，參加者仿若置身於蘇格蘭高地，現場嘅品牌大使會帶領大家品嚐 The Singleton of Glen Ord 12 年、15 年及18 年嘅經典威士忌，藉由視覺、聽覺、嗅覺同味覺，全方位同步感受品牌歷史同獨特嘅製作過程。

「感官品酒會」獨特場地嘅設計概念源自於 The Singleton of Glen Ord 風味之關鍵 — 橡木桶；
品牌採用美國及歐洲橡木桶黎熟成威士忌，醞釀出沈穩典雅，且具有多元複雜性嘅威士忌。
係品酒會現場，參加者可以親身走入木桶，一窺 The Singleton of Glen Old 神秘又迷人嘅蘇格蘭威士忌之旅。

Glen Ord 12 年有著豐富溫暖的果香氣息。

而Glen Ord 18年具有紮實沈穩嘅辛香料味道。

首次係香港上市嘅Glen Ord 15 帶有濃厚複雜的雲呢拿、蜜瓜及薑的香味，讓人停不了口。

The Singleton of Glen Ord 「感官品酒會」套票優惠價為每人港幣 188 元，包含三杯Singleton
品飲酒款（12 年、15 年、18 年各一杯）、Taste of Hong Kong 2018 入場門票一張及「感官品
酒會」門票一張。優惠套票現可透過香港 Ticketflap 網上即時預訂，活動現場亦可以港幣 100
元（不包括Taste of Hong Kong 2018 入場費）購買「感官品酒會」門票，現場門票數量有限，
售完即止；渣打呈獻的Taste of Hong Kong 2018 入場門票售價為港幣 120 元。

The Singleton of Glen Ord 「感官品酒會」
場地：渣打呈獻的Taste of Hong Kong 2018
時間：
2018 年 3 月 22 日（四）晚上 6 時至 10 時
2018 年 3 月 23 日（五）下午12 時30 分至 4 時30 分；晚上 6 時至 10 時
2018 年 3 月 24 日（六）下午12 時30 分至 4 時30 分；晚上 6 時至 10 時
2018 年 3 月 25 日（日）下午 12 時30 分至 5 時30 分

雞蛋仔藝術節．七人欖球升級版

「雞蛋仔藝術節」返黎啦！繼上年首次舉辦成功吸引無數市民及遊客參加後，今年再以以香港經典街頭小食代表之一「雞蛋仔」作為主題，席捲銅鑼灣！為延續與眾同樂嘅精神，進一步推廣香港獨特嘅街頭小食文化同全城矚目嘅國際運動盛事「國泰航空/滙豐香港國際七人欖球賽2018」，大會邀請咗更多餐飲界精英及本地藝術家加盟，首度融入七人欖球元素，帶來全新創意美食同工藝。是次「雞蛋仔藝術節．七人欖球升級版」將一連四天於2018年3月30日至4月2日（星期五至星期一）舉行，大家趁住復活節去尋找心水雞蛋仔啦 !

「雞蛋仔藝術節」設有好多唔同特色雞蛋仔攤位，等小編同你一一介紹！
Seasons French Restaurant
Seasons French Restaurant把法式風情融入香港傳統街頭風味嘅雞蛋仔，分別提供尊貴魚子醬、三文魚及香濃朱古力兩種口味，成功把雞蛋仔昇華至更高層次！

茶作tea-ed TEA
為配合今次活動，三位愛茶的80後老闆鑽研茶嘅各種可能性，發揮無限創意，將兩種經典青茶元素放入雞蛋仔，不但中和甜膩感，更帶出雞蛋仔獨特嘅蛋香味，食後齒頰留香，回味無窮﹗

家香
作為一間香港新派廣東小菜餐廳，家香突破傳統，於雞蛋仔中加入中式甜點 - 楊枝甘露，外脆內軟，帶黎耳目一新嘅感覺﹗

辦館LOF10 Bar Dining
以中西合壁打響名堂嘅辦館LOF10 Bar Dining限定提供層層疊雞蛋仔，最適合喜歡新奇有趣雞蛋仔嘅大友前來品嘗﹗

媽咪雞蛋仔
媽咪雞蛋仔再度來襲，特意創作出多款與眾不同嘅雞蛋仔，其中鳳凰卷雞蛋仔將兩種同樣以雞蛋作原材料嘅食品融為一體，入口鬆脆，滲透陣陣蛋香，包你一試難忘﹗

恆發雞蛋仔
恆發雞蛋仔除咗首次將港人最愛嘅榴槤加入雞蛋仔外，為咗今次盛事推出黑松露櫻花蝦特別款式。喜歡fusion特色的雞蛋仔粉絲絕對不能錯過！

摩芽雞蛋仔
摩芽雞蛋仔今次大玩健康元素，引入竹炭製作成竹炭星星雞蛋仔，仲可以加入榛子、奶黃或朱古力的餡料，帶給你雙重滋味、雙重口感！

滿屋雞蛋仔
滿屋雞蛋仔上年深受大眾歡迎，今次再譽歸來，破格製作出泡菜雞蛋仔、芫茜雞蛋仔及士多啤梨雞蛋仔，泡菜雞蛋仔加入韓風元素，泡菜酸辣口味刺激味蕾，讓人辣得過癮﹗

Ice Puff
Ice Puff今次自家創作出五款別具特色嘅雞蛋仔，更製作出兩款鹹味雞蛋仔，洋蔥鹹牛肉自家醃製，帶出香濃鮮牛肉味，混合於微甜嘅雞蛋仔中，奇妙嘅口感不但中和甜膩感，而且十分美味可口！

森Sumore
森Sumore推出三款期間限定雞蛋仔，包括田園雞蛋仔、黑森林雞蛋仔及車仔麵自選形式雞蛋仔，當中車仔麵自選形式雞蛋仔靈感取自車仔麵檔，可以自選多款口味及配料，等大家自己搭配出最合心意嘅味道﹗

BB雞蛋仔
今次BB雞蛋仔特別研發出深受港人歡迎嘅珍珠奶茶口味雪糕，融合係雞蛋仔之中，味道清幽細膩，散發出絲絲奶茶香，鐘情奶茶嘅朋友一定會愛上！

甜甜味x嘉嘉餅店
首次破格聯乘嘅兩間本土地道小店甜甜味同嘉嘉餅店，製作出兩款與眾不同嘅小食，糅合港式經典街頭小食菠蘿包及雞蛋仔兩大本土特色美食，蛋香唔單止無蓋過菠蘿包原有嘅特色，仲提升咗成個味道，讓人一試難忘。此外，中式懷舊小食南乳雞仔餅都加入戰團，南乳味道濃郁甘香，醇厚不濃，相信會喚起大家嘅兒時回憶﹗

囍宴星級主廚余健志Jacky Yu仲會係4月1號同2號期間親臨製作特色雞蛋仔黑蒜雞蛋仔！Jacky Yu係知名星級廚師，其菜式創作融會川、滬、粵、日、東南亞佳餚特色以及美學風格，自成一派。Jacky同時亦是一位多媒體美食家，為各飲食及廚具品牌担任代言、撰寫飲食專欄、為食物造型設計及亦為餐飲顧問，想一試主廚手勢就要Mark實時間啦！

Jacky Yu親臨製作特色雞蛋仔日期及時間：
4月1日（星期日）下午5時30分至6時30分
4月2日（星期一）下午12時至1時及下午3時至4時

費用：全免

除咗食雞蛋仔，大會仲請黎「金茶王」為「雞蛋仔藝術節．七人欖球升級版」提供店內享負盛名嘅奶茶，當大家品嘗香脆可口嘅雞蛋仔，亦可即時品嘗來自金茶王嘅優質著名奶茶，一舉兩得!另外仲有手作藝術品攤位、特色裝置藝術品、音樂表演團體同唔同嘅工作坊，令大家盡興而歸！

「雞蛋仔藝術節．七人欖球升級版」活動詳情
日期： 2018年3月30日至4月2日（星期五至星期一）
時間：上午11時至下午7時
地點：銅鑼灣利園一期私家路（希慎道33號）
入場費用：全免

2018年3月19日星期一

數碼港商場x Wonderland「第二屆GT小車手嘉年華」

承繼上年復活節「GT小車手嘉年華」大獲成功，今年數碼港商場再聯同Wonderland打造「第二屆GT小車手嘉年華」，「小型一級方程式賽車場」及多款經典攤位遊戲強勢回歸，同場亦會加推嶄新的「室內兒童GT電動賽車競技場」，截然不同嘅極速賽道，讓一眾小車手挑戰飆車的快感，實行與大家展開一場刺激又冒險嘅復活節假期。

由2018年3月30日至2018年4月2日（一連四天復活節假期），數碼港商場將化身集賽車場、工作坊、大型充氣裝置、攤位遊戲與小型市集於一身之遊樂園，場內設置多款大型遊樂設施，包括最受矚目嘅「室內兒童電動GT賽車競技場」、「小型一級方程式賽車場」、「獵蛋尋寶遊戲」、「極速彈跳樂」、「數碼閲藝廊」、「親子奪寶奇兵競賽」、「童樂碰碰車」等遊戲，一連串豐富節目，保證讓一家大小都樂而忘返！

另外，同場亦舉辦全港首次的「親子賽車維修STEM工作坊」，由專人指導家長與小朋友共同搭建一部載人的小汽車，從中了解汽車運作原理。一連串緊張剌激遊戲過後，走出户外草地，商場更為大家準備了小型復活節市集及多個經典攤位遊戲，玩樂一番之餘，更有機會贏取豐富禮物！今個復活節，等數碼港商場帶你遊走賽車世界，變身型格賽車手奔馳！

數碼港商場 x Wonderland「第二屆GT小車手嘉年華」
日期 2018年3月30日至2018年4月2日 (共4天)
時間上午10時半至下午6時半
地點數碼港商場L2全天候廣場及數碼港2 座4樓數碼廣場

復活節去邊好黃金海岸親子尋蛋樂2018

復活節就到啦，全世界都慶祝普天同慶嘅節日，其中必有應節之舉就係尋找復活蛋。今個復活節，由2018年3月30日至4月8日一連八日，香港黃金海岸推出3大復活節慶祝活動，包括「親子尋蛋樂」、「繽紛充氣嘉年華」及酒店「復活節樂滿FUN」住宿計劃，打造集玩樂設施同休閒住宿於一身的度假樂園，實行「歎」住玩盡歡樂假期！

「親子尋蛋樂」設係佔地5萬平方呎嘅大草地上，參加者化身成「尋蛋小特工」係一望無際嘅草坪上盡情尋蛋，追尋金蛋蹤跡更可贏取香港黃金海岸酒店豪華酒店住宿。同場還設置5個攤位競技遊戲區，大玩「小白兔跳跳跳」、「幸運輪盤」等經典遊戲，考驗眼力與速度，完成挑戰後可獲得小禮品。

「繽紛充氣嘉年華」提供各式各樣嘅充氣彈床裝置，俘虜一眾小朋友嘅心，保證他們流連忘返，笑聲處處！另外，顧客如於黃金海岸商場或香港黃金海岸酒店餐廳消費滿港幣300元或以上，亦可換取面值港幣50元的遊戲券。

「復活節樂滿FUN」住宿計劃讓一家大小入住，品嘗美味佳餚之餘，翌日再享用多元化遊樂設施及參與主題工作坊，定可締造難忘的復活節假期。住宿計劃除可參加大型草地尋蛋及攤位競技遊戲外，更可享用精美自助早餐和參加主題工作坊，晚上還可欣賞合家歡電影，在大銀幕前一邊享用爆谷及汽水，一邊開心歡渡精彩復活節﹗一連串豐盛活動，不容錯過！

香港黃金海岸「2018 黃金海岸親子尋蛋樂 + 復活節嘉年華」

日期 2018年3月30日至 2018年4月1日（共3日）

地點黃金海岸大草地 (位於黃金海岸鄉村俱樂部‧遊艇會對面)

沙田希爾頓中心夢幻粉紅「春櫻遊樂園」

復活節就到啦，今年華懋集團旗下商場會以「春櫻遊樂園」為主題，將花語為「幸福」、「純潔」嘅櫻花帶入商場，等大家唔洗出國都感受到賞櫻嘅樂趣。

為配合節日，沙田希爾頓中心仲會有全港最大型嘅尋寶活動「櫻花復活蛋大搜尋」，係超大粉色復活蛋櫻花池入面尋找復活金蛋金，限時內搵到20隻以上仲有禮物添！

除咗希爾頓中心，行過少少好運中心都有個好靚嘅「春日賞櫻拍攝區」，呢度展現出日落黃昏時夜櫻美景，配合點點燈光，超浪漫啊！大家仲可以即場揀一件浴衣係度影相，去好好日本都影到甘日式風情嘅相，好幸福啊！你仲可以揀一張相即場打印４Ｒ相片，以作留念，真女好Sweet啊！記住mark定3月24號至4月22號過黎啦！

另外粉嶺名都商場都會同時進行「春櫻遊樂園」嘅活動，以「復活萌兔樂滿捉」為主題，係2樓設有夾公仔機，只戈成功將復活兔運到唔同嘅分數區，取得指定分數就可以獲得禮物；同場亦會有漫步櫻花小路比大家留倩影，快啲約埋朋友一齊去玩啦！

「櫻花復活蛋大搜尋」

地點：沙田希爾頓中心地下大堂

「春日賞櫻拍攝區」

地點：好運中心 L3 68號鋪

香港首個水耕農場 Workshop仲可以自製手工啤!

銅鑼灣近日開咗個水耕農場Farmacy，你無睇錯啊！係農場！呢個農場一啲都唔簡單架！佢睇落去其實比較似植物實驗室，入面嘅「農夫」個個都著住白袍，全部都好專業架！等小編帶你地入去玩啦！

唔好睇佢細細間房仔甘，呢度有過千種唔同嘅植物，就算係同品種嘅花，都會有多達60隻顏色！工作人員會以控制燈光、風力、濕度去營造唔同植物最佳生長嘅環境，好High Tech架。

講個秘密大家知，呢度所有花花草草，全部都可以食嘅，當日小編就試咗幾款植物，即摘即食，好神奇啊！如果你想買D新鮮香草煮食；又或者你係大廚想搵靈感；甚至係你想搵獨特顏色嘅花朵或者稀有香草，都不妨黎行返一轉，佢地嘅工作人員好樂意比意見大家，會有意想不到嘅收獲！

除咗售賣香草同植物，呢度黎緊都會舉行唔同類型嘅工作坊，最吸引小編嘅就係可以即時製作屬於自己味道嘅啤酒！另外以自己親手採嘅花做DIY都唔錯架！想知更多就要留意佢地Facebook更新啦！

Farmacy就係The Artist House隔離，為佢地提供最新鮮嘅材料，想知The Artist House嘅詳細可以睇呢度:The Artist House 銅鑼灣Chill爆食玩體驗。

地址：銅鑼灣京士頓街9-11號Fashion Walk 1樓

試食兵團 759韓國水果有氣米酒試飲!

小編不嬲都覺得759係大家嘅好朋友，不時都會係入面搵到驚喜！今次小編就收到報料入面有賣一隻罐裝水果有氣米酒，等我地去試下先！

就係呢款啦！iCing水果有氣米酒，個罐幾靚，睇上去幾吸引，$13.5一罐，今次我地就黎試下西柚味同白葡萄味。

西柚味酒精含量4%，酒精味都幾重，不過西柚味都幾真，仲有西柚本身少少澀味，我自己就麻麻地啦，覺得有少少藥水味。

白葡萄味酒精含量3%，呢個好好飲啊！白葡萄果然係酒精嘅好朋友，好易入口，酒精含量低又無咁易醉，岩晒女仔飲！

iCing係韓國好受女仔歡迎，除咗因為佢好飲，我諗係包裝清新可愛都係一個原因，其實佢仲有波子汽水味，不過小編去當日就賣晒，上網睇都好受人歡迎架！

沙田新城市公共用地仲有高爾夫球場！

唔講唔知，原來成日逼爆嘅沙田新城市廣場，原來有唔少公共用地比大家休息放鬆，今日就等小編同你地一齊去睇吓！

廣場5樓推門出去，表面睇好似係個平台，其實出門口轉左係一個迷你高爾夫球場，大家可以帶埋球桿黎任玩；而轉右就係超大個人造草地，仲有鋪人造草嘅櫈，好天嘅時候係度影相一流！

上到去7樓，就係大家都非常熟悉嘅星光花園平台，每年聖誕呢度都逼爆，但閒日過黎其實都幾靚架！仲有得坐添！

其實9樓都有公共空間架！真係唔係特登搵都唔知！呢度係要由7樓花園行2層樓梯先上到去，上面開咗好多花，心情唔到黎轉個圈、曬下太陽都唔錯架！呢度仲有個環保農場，不過好似無乜人打理咁，出面啲花開得仲靚過農場入面嘅，不過就勝在種類夠多。

其實香港仲有好多公共空間，不過有冇呢度咁靚就唔知啦！有機會小編會親自逐一探下路，香港地方唔大，咁靚嘅地方唔好嘥咗佢！

MEKO 全新水果蜂蜜紅茶好吸引啊!

MEKO係春天推出超吸引飲品!佢地首次推出以100%真正，配以精選紅茶，並加入滋潤蜂蜜作調味，研發出「蜜桃紅茶」同「蘋果紅茶！果汁、紅茶、蜂蜜三種層次，甜蜜三重奏一睇就知好飲啦！Smiley 果茶系列包裝以日系小清新的風格為主，採用可愛夢幻的馬卡龍粉嫩色系，顏色繽紛的外型設計猶如一件精緻唯美的藝術品，可以打卡影相滿足一眾少女心!

蜜桃紅茶清甜可口，既保留紅茶嘅濃而不澀，又散發出蜜桃嘅絲絲香氣，加埋蜂蜜令層次更豐富，呷一口沁人心脾。

蘋果嘅果香完美融合濃郁甘醇嘅紅茶，為味蕾帶來極致體驗，優質蜂蜜將蘋果茶增添美味，甜而不膩，口感圓潤，三者配合得恰到好處。

兩款全新果茶都無添加防腐劑及人造色素，天然健康，最適合追求健康、喜愛隨時能品嚐水果茶嘅朋友！

郊遊習作長洲行勻張保仔洞小長城

今次郊遊習作同大家黎到長洲，一次過行曬小長城同張保仔洞，睇下奇石同名勝，實行行勻南長洲！

首先第一站行去關公忠義亭，呢度春天嘅時候會冇櫻花，附近都會睇到宮粉羊蹄甲，詳情請睇長洲櫻花開咗啦！颱風過後依然堅強盛放！

沿路繼續行，無幾耐就見到小長城入口。小長城係長洲東面嘅一條遠足徑，因為全路都係使用石頭作為建築原材料，欄杆全部都係石欄，睇落去好似萬里長城，因而得名。小長城長850米，入口為觀音灣，經芝麻坑，終點是長洲的最東點玉璽石。途中我地都見到唔少巨石嘅標誌同觀望台，但唔係塊塊都搵得到，有興趣都可以仔細搵一吓。