昆凌維持身材方法大公開！天王嫂「減肥餐單」比你大節前抱佛腳

做得天王嫂身材當然都唔可以走樣，昆凌生咗BB之後反而越黎越fit，身材維持得好好！究竟要點做先可以擁有昆凌嘅健康體態呢？

＃每一日都要做運動，樣樣都做先唔怕悶

昆凌堅持每日都要做一個鐘嘅運動，而且涉獵多種運動類型。例如先跑步後游水，包含大住肚都係醫生同教練嘅咨詢下有Keep住做運動，令新陳代謝一直持續係活躍狀態。

＃紅豆水＋按摩踢走水腫

紅豆水比薏米水更加溫和，但一樣有去水腫嘅效果；加上日復一日地按摩淋巴腺以刺激穴道，水腫？對昆凌黎講係不存在的好嗎！

＃抱佛腳減肥餐單

係重要嘅活動之前，需要急速瘦身以最完美體態示人，呢個時候就可以配合減肥餐單，加強短期瘦身效果，不過呢啲餐單只係比你磨槍上陣，千祈唔好長期使用啊！

「蛋白質減肥法」
呢份餐單唔可以用多過一星期，一個月最多都係用兩次，一定要跟足先有效喔！
早：雞肉１份＋蛋白１份＋暖水１杯
午：海鮮茄子＋熱檸茶（如果要甜就加代糖）
晚：白烚雞胸肉１份＋蛋白１份＋烚菜１碗＋暖水１杯

「食肉減肥」
如果你水腫比較重，可以試下呢個，三餐都只係食肉同大量蔬菜，拒絕澱粉及糖分，降低葡萄糖含量，從而刺激身體分解脂肪提供熱量。不過呢個食法唔可以持久，一黎佢主要減去水分，二黎長期食營養會唔均衡，會膽固醇過高！

「蒟蒻餐」
蒟蒻幾乎０熱量，好多人都食佢黎快速減肥，因為佢可以促進腸胃蠕動並令人有飽足感，蒟蒻加水去做代餐可以幫你Cut走好多卡路里，不過長期食會導致營養不良，所以一定要適可而止啊！

其實講到尾，減肥都係要均衡飲食加持續運動，昆凌嘅身材都唔係一日形成，所以大家要加油啊！