他只當你是好朋友 日久不生情星座男Top 5

相信唔少人都試過一見鐘情嘅感覺，但好多時呢啲感覺發展出黎嘅感情會帶住好多矛盾。但由朋友變情人真係唔係人人都可以擦出火花，日久生情對以下星座男黎講，簡直係天方夜譚，如果愛上以下星座嘅朋友，不妨拉開一點距離再戰喔!

第五名 金牛座

對金牛座男仔黎講，日久只會生親情，並唔會生出愛情。如果第一眼佢少少心動都冇，大概以後都唔會有啲咩發展，不過金牛座屬於心動快，出手慢嘅類型，有機會佢都仲等緊機會展開行動，而你已經心急如焚。

第四名 人馬座

人馬座好直接，唔鐘意就係唔鐘意，會同你劃清界線，好朋友就係好朋友。就算好不幸地佢係一位玩家，佢都會好清楚明白咁比你知佢係玩緊，唔會因為玩得耐就動真心。

第三名 山羊座

山羊座係一個會自我冷卻嘅星座，尤其係踏實嘅佢需要拼搏嘅時候，當你想更進一步，佢就會告誡自己學業、工作為重，仲會默默咁搵你嘅缺點令自己唔會被寂寞沖昏頭腦。

第二名 獅子座

獅子座好依賴自己嘅直覺，第一眼有感覺就係有，無就絕對係大寫的NO! 所以朋友變情人? 等你成個人改頭換面先啦!

第一名 水瓶座

水瓶座嘅思圍真係唔係咁易明，人地係日久生情，佢係日久疏情。隨住你地嘅交情越黎越好，佢就會越分析到自己同你嘅不同，就算一開始佢對你有少少意思，拖得耐佢慢慢發現並放大你嘅缺點，你就只會係佢嘅朋友。

圖片來源：3.14159劇照