晚安曲 今晚一於等睇逐個歸位

畢咗業之後，你同以前嘅朋友嘅關係有冇改變?有冇漸行漸遠?升上唔同嘅學校，入到唔同嘅公司，大家嘅圈子慢慢再無交雜，但係咪咁樣就真係要眼白白望住朋友同自己越行越遠? Come on, 其實香港好細，世界亦都因為網路嘅方便而將人同人之間嘅距離縮短，可以見就抽時間見下面，見唔到Facetime一樣都可以頂住先，記住你嘅朋友，因為佢地代表咗你人生好大一部分嘅自己。



農夫 - 難得咁人齊 曲:C君 詞:C君,6Wing 編:C君 監:農夫,DJTommy 你 總有一班friend friend咗一世 嗰種關係 冇得取替 姊妹兄弟 你一吹雞 飛到天腳底 飛到邊都即刻仆到落嚟 從前 晚晚起碼見一面 仍然 懶理玩到幾多點 日後 日日難碰面 要知你喺邊 要睇你IG 有乜轉變 邊嗰call 工作多 借口更多 邊個已經冇點踢波 邊個要出街先要問過老婆 呢個啱啱生咗 嗰個張單返咗 我哋幾鬼生疏 約一次 已經費時 約多次 已經老年時 以前晚晚食飯都一齊 去到一個禮拜見一劑 再到一年見一面要約到下年年底 唔係早走 就甩底 敷衍老友 有乜為 要人齊 係咪要等到其中一個喪禮 可唔可以唔好揸車摸吓酒杯底 可唔可以麻煩你先生今晚先湊住個仔 不如放低個電話 認真傾吓計 OT冇問題 在座咁多位 等你出嚟 難得咁人齊 好姊妹仲有兄弟 今晚一於等睇逐個歸位 若果到齊 嚟 一起俾啲聲勢 Oh Hey Oh ~ Oh Hey Oh ~ Oh Hey Oh ~ Eh ~ ai 總有幾個friend 你講乜佢都照聽 剷過青 玩過band 搞乜鬼都一齊 細個嗰陣係 唔會睇底細邊個住半山邊個有米定邊個係屋邨仔 我哋係冇所謂 我哋細細個係冇所謂 着皮鞋 未除呔 就嗌跟隊唔該 今日約出嚟睇場波都約咗咁耐 以前話咁易 約齊人芒亨 而家 約親 班人 無了期咁"吞" 仲係光棍 定已經係老襯 咪再話 過多排 等多陣 難得咁齊人 見返三五知己 咪又收埋自己 係咪要等到班老死 就快老死先至肯出黎 咪飛機 今晚你一定要黎 我定期約吓你 Hey~ 你定期出吓嚟 En~ 有期無期 有你冇你 我哋一班老死