深圳遊樂團 超靚網紅民宿 與閏蜜好友玩到天亮！福田篇

小編成日都同大家介紹深圳大熱網紅店，多數都係商場、餐廳，今次就想同大家講下各區有咩靚靚民宿，等大家要去深圳過夜都可以影相影到手軟！

#Rachel_Home車公廟/會展中心一房商旅簡約公寓

呢間民宿位置非常方便，對面就係KKone，附近有好多好野食，仲好近地鐵站，要出去玩好方便。簡約嘅裝修加上落地窗，係度睇住風景傾住計食早餐真係勁Chill，不過就唔算大，適合2-3人入住。

【Sen’sHome】福田中心區

如果想同男朋友一齊入住，估計唔係個個男友都會接愛粉粉的房間，呢間Sen's Home就以有格調嘅裝修為主打，入面仲有香薰蠟燭，點起同男朋友好好享受夜晚啦！交通一樣方便，搭一個站就到Coco Park。

【Hi day】超大客廳花园豪宅 

如果係一班人去玩，就可以黎Hi day住，佢有3間房、4間浴室，重點係佢個客廳真係好大！一班人訓覺之前可以聚晒係度傾計食宵夜打機睇電視，而且唔會覺得擠逼。裝修都好靚，色彩好鮮明，尤其墨綠色絨梳化，是但影都好有貴族Feel。交通都好方便，附近都好多食肆，不過呢度甘靚小編可以會嗌外賣唔想走落去(其實係懶XD)。

【Hi Day】雙陽台花園豪宅 夏威夷風

另一間Hi Day出品，同樣都係可以多人入住，同上面唔一樣，呢間嘅裝修好有熱帶小島Feel，成幅牆都畫上熱帶植物圖案，仲有小陽台。房間都裝修得好靚，間間都好有特色。