窮人食家 雞蛋仔入面真有雞蛋! 潮食太陽蛋雞蛋仔

上次同大家講過上水其實好多好野食，絕對唔止係得水貨客，今次小編就同大家去到呢間潮食食超特別嘅雞蛋仔。



唔好睇佢鋪仔細細，除咗雞蛋仔仲有好多野賣架！小店生意難做，難得老闆咁有心研發新食譜。



其實佢最出名係椒鹽太陽蛋雞蛋仔，但小編都係想食甜野，所以就叫咗焦糖太陽蛋雞蛋仔。雞蛋仔即叫即做，老闆係倒入蛋漿之後再打２隻雞蛋上去，加上焦糖，未食都聞到好重蛋味。



食落口其實真係幾得意，口感好特別，有D似食緊雞蛋仔三文治，加上淡淡焦糖香氣，其實比想像中好食。$17又真係唔算貴，真係良心小店。

呢度仲有手撕雞賣，比起街市更平，有機會等小編返黎試下先。

地址：上水智昌路8號順欣花園地下3D號舖
營業時間：09:30 - 19:30