Summer Ice夏雪係由幾位年輕人創立嘅,係度有好味嘅窩夫同手沖咖啡,唔止同媽媽,呢度好適合聚會,悠閒咁渡過甜蜜嘅時光。
呢個紫薯窩夫使用咗日本嘅紫薯製成,店鋪所有窩夫都係水漿窩夫,即叫即做;餅身會比較厚,亦都會比較脆,入面仲包住一大球紫薯餡,配以超級好食嘅本地製豆腐雪糕,真係超吸引,紫薯本身就深得女性喜愛,加上呢球100分嘅雪糕,真係會令人一試成主顧呢!
如果想一次過食多啲嘢,可以叫呢個紫薯心太軟,同樣都有水果、豆腐雪糕同窩夫,仲可以食到堪稱媽媽甜品代表嘅心太軟,一切開蛋糕,流心緩緩湧出,真係好治癒啊!
小編最推薦大家嘅係呢個黑炭黑芝麻窩夫,比起紫薯,芝麻味更罕見,而且芝麻亦都係比較傳統嘅口味,更合媽媽口味。店鋪使用日本黑芝麻,配上紅荳同白玉同芝麻醬,仲有一大球椰子雪糕,相信無人會唔鐘意呢個配搭。黑炭黑芝麻牛奶係同系列另一產品,飲落口好香好滑,有啲似芝麻糊,但又好香奶味。黑芝麻仲可以抗衰老、養顏護膚,啱曬一眾愛美嘅媽媽。
呢度仲有手沖咖啡,店鋪使用非洲咖啡豆,花香味較重,聞落會有啲茉莉花香。就咁入口都幾甘香,稍稍放涼之後會有啲柑橘嘅酸味,喜歡偏酸咖啡可以黎試一試。
店內亦有提供冰滴咖啡,想要味嘗更純正嘅咖啡豆風味可以點黎試下。
地址:大圍積富街31號益富閣地下3號舖
電話號碼:56987729
地址 :西環堅尼地城厚和街6-18號滿發大廈地下D舖
電話號碼:55410655
沒有留言:
張貼留言