提起廈門，除左出名嘅鼓浪嶼、廈門大學外，原來仲有一處充滿藝術氣息嘅地方，華美空間文創園，帶你度過悠然自得嘅一日。
正門口，一個大大嘅紅色Logo映入眼簾，佢就係華美空間嘅「美」字，設計成好似一隻巨大嘅蝴蝶，展開翅膀迎接你，帶你進入一個意想不到嘅美麗空間，創意十足。
華美空間前身係卷煙廠，後來搬遷後，就被打造成一處文化創意園，重新賦予了嶄新的生命。華美空間擁有全市最大的館，有咖啡、美食、影院、音樂、書畫、攝影、藝術，每一間都充滿各具特色，就連店名logo都充滿藝術感。
鍋爐咖啡館，不可錯過嘅地方，聽個名都覺得好有特色。咖啡館係由鍋爐廠改造而成，設計師保留左前身嘅工業氣息，再注入時尚風格，一間無人問津嘅舊廠房搖身一變，成了一間好有特色嘅工業風時代感咖啡館。館內瀰漫著濃濃嘅咖啡香味，隨意翻開一本書，感受寧靜舒服嘅一刻。
微園景觀，一間精心佈置綠色天地，擺滿了林林總總植物嘅，碧綠青翠，遠望已忍唔住透過落地玻璃探討入面環境，腳已不知不覺咁行左入去，被大大小小嘅植物包圍住嘅感覺真係好幸福，空氣特別清新，令人好舒服。
首星影城，電影文化結合左工業風，打造出極具個性的潮流時尚影院，高靠背座椅設計，就算睇一場較長時間電影，都唔會坐到好累，去異地都不忘要睇返一場電影，3D版先人民幣35元左右，非常低。
影院外面仲有個售賣3D眼鏡機，有幾個款式，任君選擇，仲有好可愛嘅史力加造型, 最便果副先人民幣5元，即刻買多幾副比姨媽姑姐先。
地球是圓的，好特別、有意思嘅店名，貼心為有近視嘅人配出合心意嘅眼鏡，帶上眼鏡，更清楚觀睇身邊360度嘅人、事與物，睇遍地球每一角嘅景色。
牆壁上畫左唔同種類嘅翅膀，行過都要停一停，影返張相，翅膀好逼真，好似自己生左對翼咁，飛向夢想。
靜靜嘅走廊，靜靜地細步慢行，為今日嘅旅程靜靜地完結。
地址：廈門湖里區華昌路132號
沒有留言:
張貼留言