窮人食家 九龍城蛋撻串燒

今日窮人食家黎到九龍城呢個超多好嘢食嘅地方，係茫茫食海中揀50蚊嘢食真係好困難啊！一齊睇吓50蚊食到啲乜啦！

渡辺屋

北寄貝沙律手卷 $18

好足料啊個手卷！啲北寄貝沙律多到瀉出黎咁濟，紫菜都幾脆，幾好食架！呢度雖然鋪仔細細，但有好多唔同種類嘅日式食物，呢度嘅丼飯都幾好食㗎！

蘭英印尼小食

豬頸肉沙嗲 $12

呢度係即叫即燒，所以都要等一等，叔叔嫻熟嘅手法燒得熟度啱啱好，豬頸肉厚薄適中，加上沙嗲汁好好食啊！

雞肉沙嗲 $12

雞肉好嫩，唔會有唔新鮮嘅味道，本身醃好嘅味道加上甜得黎辣辣地嘅沙嗲汁好正啊！

豪華餅店

招牌酥皮蛋撻 $8

呢度其實出曬名蛋撻好食！幾十年老字號，閒日都好多人排隊啊！香脆酥皮盛載住滑溜嘅甜蛋，穩扎穩打嘅老滋味，唔怪之得啲人一打一打咁買返屋企！