窮人食家 九龍灣新式街市又平又好食

記唔記我之前我地去咗嘅大圍MC BOX? 香港其實越黎越多呢一類型嘅新式街市，唔知係咪因為環境乾淨咗，都多咗人去街市覓食，今次我地黎到九龍灣嘅啟業市場，同大家睇吓有咩好食啦！我地一行4人用咗100蚊都食到幾多野。

新興車仔麵

平時食車仔麵嗌雞翼多數都心比得1-2隻，呢度有成3隻，仲配芽菜，最後會淋上麻油、撒上芝麻，其實一要比其實人做多少少，就會好食好多啦！

雞翼撈公仔麵 $24

Easy小食亭

老闆同我地講小米係佢地家鄉，海豐嘅小食，廿蚊一大兜，食落好似粉果皮雲吞，入面仲有啲魚乾味，點辣椒醬食，幾得意。

小米 $20

女皇駕到

有好多唔同種類可以揀，即叫即炸，薯條係必點！令外炸蠔同炸紫薯波波都幾好食架！

自選炸物 $30/5種

食好啲

係小編最鐘意嘅石磨腸粉啊，好大份，即叫即整，菇妹幾香，香粉好滑，如果你係腸粉愛好者記住一定要黎食！

石磨香菇腸粉$16

花貓鮮果

呢度嘅果汁真材實料，小編望住佢切咗個半雪梨去榨汁，真好抵飲。不過呢杯雪梨人係常溫嘅，想要凍嘅可能要問下老闆有咩計啦!

雪梨汁$10

今次窮人食家係咁多，你地又有咩小食推薦呢？話比小編知，等我又去試吓????