華南農業大學近年一到三月就會湧入大批賞花人潮，呢度除咗香港人最鐘意嘅櫻花，仲有一大片宮粉羊蹄甲同黃花風鈴木，一入校園就被一大片粉色花朵包圍，行入啲又有黃色花海，勁靚啊！
小編係星期日去嘅，超多人，建議要去嘅朋友係閒日去，或者早少少起身去避開人潮。
係河邊種滿咗簕杜鵑，好有詩情畫意架！
比起櫻花，宮粉羊蹄甲嘅花朵更大更粉，一大片嘅樹林好壯觀。
雖然好多人，但只要抬起頭就見到漫天粉紅，好唯美架！
另外金黃色嘅黃花風鈴木都係一大看點，佢嘅花比宮粉羊蹄甲更密更壯觀，就係校門前兩盛放出兩大片長長嘅黃色。
三條賞花線路推薦：
1、學校東南門—香園—儒園—行政樓—木蘭園—“洪澤湖”—稻香草海—紫荊橋—情人坡
2、新校門牌坊—稻香草海—紫荊橋—情人坡
3、學校東南門—香園—儒園—行政樓—紅滿堂—竹銘草海—山茶園—校史展覽館—四號樓—桂花園—寧蔭湖—信息學院
比個Gif大家睇下有幾狀觀，想睇更多可以睇片。
華南農業大學
地址：廣州市天河區五山街五山路483號
交通：地鐵3號線五山站A出口
沒有留言:
張貼留言