正宗日式體驗 D2 Place「香港の秋祭り」

想係香港感受日本嘅節日氣氛？不如去D2 Place 行下啦！最近D2 Place聯同Aqua Plaza，將30個日本品牌帶到D2 Place，舉行為期十日嘅「香港の秋祭り」，唔需要出國都可以感受到日本正宗濃厚嘅季節氣氛！

小編今次就同大家睇下有咩好玩好食好飲嘅啦！

#飲

米Yogurt

呢個Yogurt特別之處係佢係用米發酵而成，口感甜甜的，對皮膚同腸道都有好益處，仲可以調製唔同嘅飲料，現場都有販售米Yogurt特飲，大家可以試一杯，覺得好飲先入手。

得奬手工啤

呢個手工啤好重麥味，仲係日本得過奬添！喜歡啤酒嘅朋友唔好錯過啦！

果味日本米酒

日本米酒就唔係人人都接受得到，但加入梅子、柚子、青提同白桃果味嘅米酒就大受歡迎！而且包裝仲好靚 ，4枝拼埋一齊仲會變成4葉草添！

#食

活動期間，AQUA CAFÉ 將會推出日式刨冰及章魚燒等滋味小食，營造秋祭味道！

和牛Burger

和牛漢堡係現場即製，香味誘人而且份量十足！

日本小食

分別有章魚燒同炸日本蠔，由日本店家到現場即席烹製，好有節日嘅味道呢！

鯛魚燒

鯛魚燒有眾多口味，正常款式只係$5一個，而特大嘅白色鯛魚燒就更可愛了！一個只要$12，冷吃堂溫吃都可以，仲可以放到一星期，買一打返去慢慢食。

古代米甘糀

米甘糀由米製成，真係好神奇地唔加糖都非常香甜，可以用黎製成各種甜味食品，現場有馬卡龍，果醬，米醋等等，對健康非常有益。據說日本女生都會將甘糀加入乳酪吃減重，唔好錯過啦！

#玩

浴衣體驗

今次大會專程由日本空運直送浴衣到香港，於秋祭現場設成人及小童浴衣租用區，提供浴衣供男女老幼租借，更設佈景區比大家拍照留念，都幾選擇架！基本租借服務為HK$40/15分鐘及HK$250/2小時（需另加HK$400按金），更可配合其他日式配件飾物，打造唯妙唯肖的祭典造型，一邊穿著浴衣、一邊遊覽市集！

100%中奬嘅抽奬

想試試手氣？可以玩呢個絕對有奬好手氣抽奬，$40一次，大奬係巨型充氣大鎚，但小編覺得二奬更可愛，可以揹起滿場走。

工作坊

如果你對日本文化有興趣，就要玩呢個特意由日本引入別具特色嘅傳統工藝工作坊，包括日本愛知縣著名特產「常滑燒」招財貓及陶器製作、傳統「飄香手毬」等。古時候，日本的母親會於女兒出嫁或出遠門之時，親手製作日本傳統手作工藝－「飄香手毬」飾物贈與女兒，以表關懷及思念。D2 Place 更誠意邀請香港首位得到日本手毬協會專業認可之導師親身指導製作手毬！除此之外，場內更會定期舉辦其他日系手作DIY工作坊，包括日式繪手紙明信片工作坊、常滑燒招財貓及豆皿工作坊等。

新井風味 香港公演

Photo via YouTube

1999年由編舞師Hidetomo成立的日本舞蹈公司。以透過舞蹈與眾同樂為理念，在日本各地進行日本舞蹈表演活動。「新井風味」是將日本傳統舞與現代的爵士舞及嘻哈舞蹈融合，並以扇子及油紙雨傘來的舞蹈表演團體。今次首次來到香港公演2場，他們會將以Mime的演技與舞蹈混合，並用故事形式來表達並演出。

演出日期及時間：

第一場: 2018年8月31日下午4時

第二場: 2018年9月1日下午3時

「香港の秋祭り」

免費入場

日期：2018年8月31至9月9日（每日開放）

開放時間：中午12時至晚上9時

地點：D2 Place一期2樓The Space及1樓Aqua Plaza