旺角狂食 又一台灣奶茶登陛 BABO好粉好少女

呢排好多台灣奶茶鋪登陸香港，今次我地就黎到呢間新開嘅旺角奶茶店BABO。

BABO主打粉色少女風，裝修以粉紅色為主，配上金色LOGO好可愛啊！佢地嘅飲品都好靚架！價錢唔算平，不過好飲又好睇，都幾值得一試。今次我地就叫咗２杯野飲：草莓ＢＡＢＯ拿鐵同迷霧中跳舞。

草莓ＢＡＢＯ拿鐵係粉紅色嘅珍珠鮮奶茶，紅色透透地嘅紅麴珍珠口感好好，有少少甜味，呢杯飲料奶味重過茶味，士多啤梨味都唔算好重，但夾埋又幾好飲。

草莓ＢＡＢＯ拿鐵　＄３５

迷霧中跳舞其實係果味汽泡醋，拎出黎係漸變色嘅，打卡必點！夏天飲返杯好解暑架！

迷霧中跳舞　＄３２

呢度仲有提供乾花束比大家打卡，真係實在太貼心，加分！

BABO旺角店

地址：旺角豉油街60至102號鴻都大廈地下A舖