最愛積積！ 超人特工隊2超級總部降落時代廣場

不知不覺，超人特工隊已經上映14年啦，小編都由一隻小薯仔長大成為一隻薯仔。今個夏天，超人特工隊2強勢回歸！除咗睇戲之外，呢個英雄家庭仲將佢地嘅超級總部降落係銅鑼灣時代廣場，Fans們，係時候出動啦！

今次呢度有超多打卡位！第一個就係成4米高嘅巨B積積，係入口同大家開心Say Hi！14年後積積都仲係一個百厭嘅BB，真係好可愛啊！



然後就係身長４米嘅彈弓女俠，係積積後面展現鐵騎英姿。E夫人都係度擺晒甫士，方死你唔同佢影返張靚相啊！


今次大家仲可以登堂入室同超人家族影相，成為佢地嘅一份子開心合照! 亦都有2個專區，比你搵小衝同小麗一齊Selfie，最後當然係要去積積，影返張16個積積與我，積積真係好可愛啊！



除咗打卡裝置，一眾家族成員仲會係7月21、22、28、29號真人現身同大家一齊玩，係總部入口同大家見面，千祈唔好錯過啦！

日期：2018年6月29日至7月29日
時間：10:00-22:00
地點：銅鑼灣時代廣場地面露天廣場