母親節有冇諗過帶媽咪出去行下，不如去南丫島啊！南丫島有間Shelly Cake Express，佢嘅豆腐芝士蛋糕好好食架，玩到攰就去食個下午茶啦！
呢個就係佢鼎鼎大名嘅豆腐芝士蛋糕，豆腐味好重，口感好綿密，一入口就散發出黃豆香，m而且唔會好厚重，甜度岩岩好，食多多都唔漏，好犀利啊！
呢個抹茶芝士蛋糕比豆腐芝士蛋糕甜同厚少少，抹茶味好重，但又唔會苦，綿密嘅口感真係好正，抹茶控之選！
呢度仲有令店主自豪嘅手工曲奇，大家可以跟住店手推薦嘅次序去食曲奇，加上自選雪糕，估唔到食曲奇餅都可以令人覺得咁幸福，小編大愛伯爵茶同特濃咖啡味，喜歡仲可以買一盒返屋企！
天氣開始熱，整返杯冰凍嘅蝶豆花檸檬水真係透心涼，小編自己覺得佢都幾甜，行到攰可以補充一下糖份。
玫瑰拿鐵上面鋪咗玫瑰花，點返杯比媽媽啦，唔會太甜，可能係環境嘅關係，入口有種田園感，令人好放鬆。
地址：南丫島榕樹灣後街21號地下C舖
電話：94940755
沒有留言:
張貼留言