甘い媽媽日 甜蜜美食大匯集！

聽日就係母親節咩!呢一個星期我地同大家介紹咗咁多好味嘅甜品，係咪心郁郁呢？等我地一次放晒佢地出黎，等大家可以依照唔同嘅特色同媽媽以最窩心嘅甜品過一個甜甜蜜蜜，溫馨又美好嘅母親節啦！

Joyful Dessert House

甘い媽媽日特別推薦：芒果拿破崙、薑汁梳乎厘

芒果拿破崙以新鮮勁靚呂宋芒、吉士同酥餅砌成，芒果日日新鮮運到，酥餅亦都係每朝精心烘焙，就好似細個媽媽每朝為你準備早餐一樣用心。芒果嘅鮮甜可以帶黎活力，加上義大利雪糕香甜可口，治癒媽媽為我地付出嘅辛勞。

薑汁梳乎厘口感非常軟綿香甜，薑汁比人一種溫暖嘅感覺。同樣伴上美味嘅義大利雪糕。如果你想多謝媽味對你溫柔體貼、無微不至嘅愛，呢一道甜品就啱晒啦！

甘い媽媽日 Lia's Bakery

5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

今次我地好開心，請到Lia's Bakery嘅店主，教我地整呢個超易但又靚嘅母親節雲石曲奇花藍。

首先整心形曲奇，係背面輕輕壓上竹籖，以少許蜜糖固定，再入爐焗起曲奇。

係淺碟上預備白色糖霜，隨意點上幾滴自己喜歡嘅雲石顏色，以竹籖划開，就會呈現雲石圖案。餅乾棒均勻沾上糖霜，靜置15-20分鐘，再入爐焗10-15分鐘。

焗起糖箱後放涼，擠上少少糖霜，加上食用乾花。

預留三塊曲奇以糖霜寫上Happy Mother's Day。放乾後再以食用金粉漆上祝福語。

空盒/花藍/紙袋內部鋪上花紙，發泡膠放於其中，根據自己喜好鋪上乾花，再將包好嘅曲奇插實係發泡膠入面，調整好位置。

大功告成！

如果你地都想跟Lia學整餅，可以搵佢上堂，無論1對1教學定自組包堂都可以搵佢地查詢。

除咗教學之外，Lia's Bakery主要其實係接整餅訂單，例如呢口竹日戈超可愛嘅獨角獸馬卡龍，唔止賣相討好，仲好好味架！

Lia's手藝非常了得，無論大家想做咩樣嘅蛋糕或者曲奇等焙烘品，佢都可以滿足你嘅要求，以自己雙手為大家造出一款又一款訂製甜品。無論係Candy Corner，開Party甜點，散水餅，各種活動；定係生日蛋糕、結婚蛋糕、杯子蛋糕都可以搵佢定製。

最近Lia's Bakery仲做緊優惠，日本食用花曲奇同食用花馬卡龍都做緊優惠，馬卡龍只要2打就可以起訂，訂黎去野餐、開Party，送禮都唔錯架！想訂就去佢Facebook搵佢啦！

Lia's Bakery

WhatsApp：64912087

甘い媽媽日 Bakery Plus

5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

想要比媽媽一個難忘嘅母親節，最好係有啲可以留念嘅紀念品，今次我地介紹嘅呢間Bakery Plus，專門做永生花水晶燈雲石蛋糕。佢地嘅蛋糕都會係雲石海綿夾心蛋糕上擺放絲花水晶燈，非常之吸晴，水晶燈仲可以長久保存，相信無一個女性可以抗拒佢夢幻嘅魔力。

佢地主打嘅永生花水晶燈雲石蛋糕超級夢幻，共有5吋、6吋、7吋3個尺吋，每一個水晶燈入面都有一朵超靚嘅玫瑰，大家可以選擇自己喜愛顏色嘅玫瑰花，仲可以自己搭配雲 石面嘅顏色。水晶燈亦都有分手動著燈嘅普通版同以魔法棒點燈嘅豪華版，包你氹到媽媽心花怒放，變成一個少女！

今個母親節，Bakery Plus推出節日限定嘅康乃馨水晶燈蛋糕，即日起至13/5都可以預訂，6/5日前預購仲享有95折添！每個水晶燈内配有3朵自選顏色嘅康乃馨，以毋忘我同滿天星作襯花。康乃馨共有深紅、粉藍、白、粉紅、粉紫同香檳金6隻色作選擇，比你以媽媽最喜愛嘅顏色花朵向媽媽表達感激之情。

Bakery Plus嘅蛋糕共有3總口味，除咗最受歡迎嘅雲尼拿味之外，仲冇朱古力味同綠茶味，全部都以日本頂級蛋糕粉製作。而牛油忌簾夾心則以紅莓味最受歡迎，另外仲冇朱古力、綠茶、咖啡同阿華田味選擇。所以呢個蛋糕真係由內到外都係由你話事，更可以突顯心意，最適合送比你嘅摯愛，一定可以比佢感受到你嘅心意。

Bakery Plus
Facebook：https://www.facebook.com/bakeryplusss/
查詢WhatsApp：9269 7818
地址：尖沙咀河內道18號K11購物藝術館B1樓Market Place內

甘い媽媽日 曲奇四重奏

5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

除咗同媽媽去食飯，買一盒健康好食嘅曲奇作為母親節禮物都係一個好選擇。曲奇四重奏最近就因應母親節手推出特別曲奇禮盒。

係每一盒禮盒入面，都有一塊愛心形狀嘅母親節特別餅乾。幫你同媽媽表露你對佢嘅感謝同愛。

如果你想自己親自組合禮盒，你亦都可以係店內亦席挑選你嘅心水曲奇，再請店員協助你包好禮盒，而且仲可以添購一朵大花放於包裝上，以花朵表達心意。

櫻花腰果曲奇以日本鹽漬櫻花同腰果配搭，創造出帶日本風味嘅驚喜！而且鹽漬櫻花於曲奇上真係好靚，女士一定喜歡！

蝴蝶酥以極薄酥皮重覆對摺成蝴蝶狀，望落仲好似一個心型，色澤金黃，口感酥脆，仲有好多唔同口味選擇，想健康仲可以揀黃金亞麻籽蝴蝶酥，為媽媽健康著想。

最新手推出嘅口味就係伯爵茶蝴蝶酥，英式伯爵茶配上蝴蝶酥，香脆中又帶茶香，出奇地好食！

店內仲有好多唔同嘅曲奇選擇，全部都不含防腐劑，大家食得更安心。

曲奇四重奏
地址：九龍城獅子石道9A地下
電話：23822817
其它分店資料請到官方網站查閲。

甘い媽媽日 Layer's Cafe & Pancake

5月13號就係母親節，為咗慰勞為子女付出一整年嘅媽媽們，由5月1號起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

今次我地黎到九龍城，呢度其實出曬名係一個美食天堂，而我地就想同大家介紹呢間小編覺得全香港最好食之一嘅鬆餅店Layer's Cafe & Pancake。呢度嘅厚班戟非常鬆軟，好似食雲咁樣，軟軟嘅厚班戟入口即化，牛油同牛奶嘅味道即時散開，簡直係神級滋味啊！

季節限定芒果班戟

5月踏入初夏，店主都以節季食材呂宋芒推出芒果班戟，新鮮嘅芒果肉同芒果醬汁同甜甜嘅厚班戟好夾，食唔停口！

朱古力焦糖香蕉核桃班戟
如果你係朝早黎，不妨以朱古力焦糖香蕉核桃班戟作為一天嘅開始，香蕉同朱古力本身就係喚醒身體嘅好食物，核桃對熟齡人士亦都非常好嘅食物，同媽媽去食早餐叫呢個就無錯啦！

法式吐司（每日限量30份）
如果你係下午先黎，就一定要叫呢個法式吐司，呢個法式吐司真係超邪惡，即叫即煎，吸滿牛油香味嘅吐司淋上滿滿嘅蜜糖，實在太邪惡、太好食啦！

母親節唔一定要送花嘅，不如就點一杯玫瑰Latte比媽媽，以濃濃嘅玫瑰味去感謝媽媽一整年對自己嘅愛同付出，相信媽媽一定喝在口中，甜在心裡呢！

Layer's Cafe & Pancake
地址： 九龍城福佬村道福佬村道19-25號
電話： 2791 0633

甘い媽媽日 Tea Saloon by AnotherFineDay

仲有12日就係母親節，為咗慰勞為子女付出一整年嘅媽媽們，由今日起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

唔知大家母親節有咩安排呢？有冇諗過帶媽媽去High返個靚Tea呢？今日同大家介紹嘅呢間Tea Saloon by AnotherFineDay就係一個好選擇。

今期佢地提供嘅英式下午茶叫做Eat Clean & Be Merry - Vegetarian Afternoon Tea，呢個下午茶非常適合同媽媽黎品嚐，一黎佢非常健康，所有食物都不採用白糖，改以健康嘅甜味代替；另一方面除咗Muffin之外，所有小食都係Gluten Free，食落健康無負擔；最重要嘅係呢個其實係一個素食下午茶， 就算係注重養生唧素食者媽媽都可以享受呢個美味嘅餐點。

呢個下午茶共有7款鹹點、5款點點，鹹點嘅漢堡同蟹肉球都係以素食精心炮製，比好多肉食嘅鹹點更好食！呢個下午茶Set使用大量健康食材，例如「超級食物」奇亞籽、牛油果、枸杞子、蔓越莓、可可豆等等，美味而又健康！

除咗健康嘅美食，母親節又點少得花朵呢？呢個下午茶一大特色係使用唔少食彩繽氛嘅食用花朵，比起送一大束嘅花朵，食用花朵更加可以令媽媽感受花朵嘅清新同香氣，更點綴咗成個下午茶，上檯嘅一刻令人眼前一亮！

呢度仲有一個好有特色嘅揀茶程序，就係以九型人格去推薦唔同嘅茶比大家，小編試咗真係覺得好準！而且推薦嘅茶亦都好合心意，黎同媽媽HighTea仲可以對被此有更深嘅了解同溝通。係時候好好咁了解一下媽媽，感情會更好呢！

店內嘅裝修非常優雅，一入門就淡雅嘅紫色同白色嘅空間，行入去就變成端莊高貴嘅紅色主題，相信唔同性格嘅客人黎到都會愛上呢個地方。

Tea Saloon by AnotherFineDay
地址：半山卑利街80-82號地下
電話號碼：25258257

遠離煩囂 臺中必去！ 超靚日落高美濕地

去旅行不外乎吃喝玩樂，瘋狂shopping，今次小編想同大家介紹臺中大熱景點高美濕地 ，去睇睇日落，同濕地生物有個約會。


位於臺中縣清水鎮西邊嘅高美濕地，除左出名觀鳥聖地之外，觀賞日落更係數一數二嘅熱點地。由於高美海堤嘅建立，幾十年來逐漸累積淤沙而形成左呢片濕地，棲息左種類繁多嘅生物、魚類、蟹類、鳥類......係一個生態保育區，所以要好好愛護區內嘅每一隻生物，每一寸泥土。

木棧道嘅兩旁係生態保育區，禁止進入，濕地上爬滿了螃蟹bb，好得意呀！有冇睇到有不同種類嘅螃蟹呢！

要到灘上，要先沿著呢條蜿蜒曲折嘅木棧道，每一步都充滿興奮，好想快啲同泥巴玩遊戲。

行到棧道嘅盡頭，一望無際，睇唔到水面與天邊嘅界限，令人心曠神怡。恬靜清澈嘅水面就如一個大螢幕，播映著大家玩樂嘻戲嘅倒影，襯上金灿灿嘅夕陽，形成一幅驚艷嘅風景畫。

因為風力大，所以成為左風力發電嘅最佳地點，排排嘅風車係夕陽映襯下熠熠生輝，令濕地嘅景色更上一層樓。

赤腳行係柔軟嘅泥巴上，涼涼嘅水透入心，近距離欣賞美到不得了嘅日落，腦海中想起朱自清嘅詩句：但是夕陽無限好，何須惆悵近黃昏，雖然幾靚嘅夕陽係黃昏過後都會消失，但可以欣賞到咁靚日落景都已足夠，今天過後又會係新嘅一天，新嘅希望。


地址：台中市清水區大甲溪出海口南側
開放時間：全日
（景點較偏僻，留意回程巴士時間）

甘い媽媽日 Joyful Dessert House

仲有12日就係母親節，為咗慰勞為子女付出一整年嘅媽媽們，由今日起一連12日我地都會同大家分享各種甜甜的美食，等大家可以同媽媽過一個最美好、最甜蜜嘅甘い媽媽日❤

Joyful Dessert House係旺角同銅鑼灣都有分店，旺角分店連續多年獲得米芝蓮街頭小食推介，主打西日式甜品。係店主嘅精心研發下，推出唔少啱香港人口味嘅美味甜品，大受歡迎。呢度嘅甜品甜而不漏，食落唔會覺得好heavy，甜味同食材嘅原味配合得剛剛好，啱曬平日喜歡下廚嘅媽咪。

梳乎厘系列伴雪糕 口味：雲尼嗱/Baileys/朱古力/薑汁/橙酒 $54-$56（需時約12分鐘）

梳乎厘入口即化，伴隨微微嘅香氣留於口中，溫柔得令人回味。大家可以根據喜好選擇口味，為呢一份溫暖嘅口感帶黎多重變化。

法式焦糖燉蛋伴雪糕 $52

薄脆嘅焦糖覆蓋於軟綿嘅燉蛋之上，焦糖燉蛋最忌諱蛋太甜，焦糖太厚。呢一間嘅焦糖同雞蛋嘅甜度同口感都配合得啱啱好，焦糖即叫即燒，上枱後大家唔好掛住影相，趁熱食先係最好食架！

拿破侖系列 口味：芒果/藍莓/士多啤梨/朱古力 $64

拿破侖系列係Joyful Dessert House嘅招牌之一，今次小編就試咗芒果拿破侖。三層鬆脆嘅酥餅夾住幼滑嘅吉士，鋪上鮮甜嘅勁靚菲律賓呂宋芒，酸甜嘅果肉同拿破侖配合得天依無縫。隨碟伴上意大利進口芒果雪糕，如果媽媽喜歡食芒果，一定唔好錯過呢碟金黃嘅芒果盛宴。

芭菲系列 口味：芒果七色椰果/宇治金時/藍莓乳酪/沖繩黑糖Oreo/紫薯香芋 $64

講起日本嘅西式甜品就一定唔少得芭菲，小編自己去日本都食唔少，今次試咗呢個紫薯香芋芭菲，香軟幼滑嘅紫薯蓉同香芋雪糕，加上忌廉同脆脆，層層疊疊總共11層！就咁睇上去已經可以喚回媽媽嘅少女心，一路傾計一路同媽媽食雪糕，同媽媽做對Bestie！仲有好多唔同口味選擇，一人叫一隻味Share食更加開心！

Joyful Dessert House每季都會以季節食材研發季節限定甜品，小編收到風黎緊佢地會推出西瓜系列，以清涼嘅西瓜為大家消消暑，記住密切留意啦！

Joyful Dessert House

地址：黑布街74號藝興大廈地下2及3號舖
電話號碼：96881772／28561886

地址：銅鑼灣駱克道464號鑽石大樓地舖
電話號碼：25562688／96881772